श्री हनुमान चालीसा

Shri Hanuman Chalisa

• Like & Share on Facebook

श्री हनुमान चालीसा हिंदी बोल -

॥दोहा॥

श्रीगुरु चरन सरोज रज निज मनु मुकुरु सुधारि ।
बरनउँ रघुबर विमल जसु जो दायकु फल चारि ॥

बुद्धिहीन तनु जानिके सुमिरौं पवन-कुमार ।
बल बुधि विद्या देहु मोहिं हरहु कलेस बिकार ॥

॥चौपाई॥

जय हनुमान ज्ञान गुन सागर ।
जय कपीस तिहुँ लोक उजागर ॥१॥

राम दूत अतुलित बल धामा ।
अंजनी -पुत्र पवनसुत नामा ॥२॥

महावीर बिक्रम बजरंगी।
कुमति निवार सुमति के संगी॥३॥

कंचन बरन बिराज सुबेसा ।
कानन कुण्डल कुंचित केसा ॥४॥

हाथ बज्र औ ध्वजा बिराजै ।
काँधे मूँज जनेउ साजै ॥५॥

शंकर सुवन केसरीनन्दन ।
तेज प्रताप महा जग बन्दन ॥६॥

विद्यावान गुनी अति चातुर ।
राम काज करिबे को आतुर ॥७॥

प्रभु चरित्र सुनिबे को रसिया ।
राम लखन सीता मन बसिया ॥८॥

सूक्ष्म रूप धरि सियहिं दिखावा ।
विकट रूप धरि लंक जरावा ॥९॥

भीम रूप धरि असुर सँहारे ।
रामचन्द्र के काज सँवारे ॥१०॥

लाय संजीवनी लखन जियाये ।
श्रीरघुबीर हरषि उर लाये ॥११॥

रघुपति कीह्नी बहुत बड़ाई ।
तुम मम प्रिय भरतहि सम भाई ॥१२॥

सहस बदन तुम्हारो जस गावैं ।
अस कहि श्रीपति कण्ठ लगावैं ॥१३॥

सनकादिक ब्रह्मादि मुनीसा ।
नारद सारद सहित अहीसा ॥१४॥

जम कुबेर दिगपाल जहाँ ते ।
कबि कोबिद कहि सके कहाँ ते ॥१५॥

तुम उपकार सुग्रीवहिं कीह्ना ।
राम मिलाय राज पद दीह्ना ॥१६॥

तुह्मरो मन्त्र बिभीषन माना ।
लङ्केस्वर भए सब जग जाना ॥१७॥

जुग सहस्र जोजन पर भानु ।
लील्यो ताहि मधुर फल जानू ॥१८॥

प्रभु मुद्रिका मेलि मुख माहीं ।
जलधि लाँघि गये अचरज नाहीं ॥१९॥

दुर्गम काज जगत के जेते ।
सुगम अनुग्रह तुह्मरे तेते ॥२०॥

राम दुआरे तुम रखवारे ।
होत न आज्ञा बिनु पैसारे ॥२१॥

सब सुख लहै तुह्मारी सरना ।
तुम रच्छक काहू को डर ना ॥२२॥

आपन तेज सह्मारो आपै ।
तीनों लोक हाँक तें काँपै ॥२३॥

भूत पिसाच निकट नहिं आवै ।
महाबीर जब नाम सुनावै ॥२४॥

नासै रोग हरै सब पीरा ।
जपत निरन्तर हनुमत बीरा ॥२५॥

सङ्कट तें हनुमान छुड़ावै ।
मन क्रम बचन ध्यान जो लावै ॥२६॥

सब पर राम तपस्वी राजा ।
तिन के काज सकल तुम साजा ॥२७॥

और मनोरथ जो कोई लावै ।
सोई अमित जीवन फल पावै ॥२८॥

चारों जुग परताप तुह्मारा ।
है परसिद्ध जगत उजियारा ॥२९॥

साधु सन्त के तुम रखवारे ।
असुर निकन्दन राम दुलारे ॥३०॥

अष्टसिद्धि नौ निधि के दाता ।
अस बर दीन जानकी माता ॥३१॥

राम रसायन तुह्मरे पासा ।
सदा रहो रघुपति के दासा ॥३२॥

तुह्मरे भजन राम को पावै ।
जनम जनम के दुख बिसरावै ॥३३॥

अन्त काल रघुबर पुर जाई ।
जहाँ जन्म हरिभक्त कहाई ॥३४॥

और देवता चित्त न धरई ।
हनुमत सेइ सर्ब सुख करई ॥३५॥

सङ्कट कटै मिटै सब पीरा ।
जो सुमिरै हनुमत बलबीरा ॥३६॥

जय जय जय हनुमान गोसाईं ।
कृपा करहु गुरुदेव की नाईं ॥३७॥

जो सत बार पाठ कर कोई ।
छूटहि बन्दि महा सुख होई ॥३८॥

जो यह पढ़ै हनुमान चालीसा ।
होय सिद्धि साखी गौरीसा ॥३९॥

तुलसीदास सदा हरि चेरा ।
कीजै नाथ हृदय महँ डेरा ॥४०॥

॥दोहा॥

पवनतनय सङ्कट हरन मङ्गल मूरति रूप ।
राम लखन सीता सहित हृदय बसहु सुर भूप ॥

Shri Hanuman Chalisa lyrics in English -

II Doha II

Shri Guru Charan Sarojraj Nij manu Mukuru Sudhari I
Baranau Raghubar vimal Jasu Jo Dayak Phal Chari II

Buddhiheen Tanu Janike Sumiro Pavan Kumar I
Bala-Budhi Vidya Deho Mohi Harahu Kales Vikar II

II Chaupai II

Jai Hanuman gyan gun sagar I
Jai Kapis tihun lok ujagar II1II

Ram doot atulit bal dhama I
Anjaani-putra Pavan sut nama II2II

Mahabir Bikram Bajrangi I
Kumati nivar sumati Ke sangi II3II

Kanchan varan viraj subesa I
Kanan Kundal Kunchit Kesha II4II

Hath Vajra Aur Dhuvaje Viraje I
Kaandhe moonj janehu sajai II5II

Sankar suvan kesri Nandan I
Tej prataap maha jag vandan II6II

Vidyavaan guni ati chatur I
Ram kaj karibe ko aatur II7II

Prabu charitra sunibe-ko rasiya I
Ram Lakhan Sita man Basiya II8II

Sukshma roop dhari Siyahi dikhava I
Vikat roop dhari lank jarava II9II

Bhima roop dhari asur sanghare I
Ramachandra ke kaj sanvare II10II

Laye Sanjivan Lakhan Jiyaye I
Shri Raghuvir Harashi ur laye II11II

Raghupati Kinhi bahut badai I
Tum mam priye Bharat-hi-sam bhai II12II

Sahas badan tumharo yash gaave I
Asa-kahi Shripati kanth lagaave II13II

Sankadhik Brahmaadi Muneesa I
Narad-Sarad sahit Aheesa II14II

Yam Kuber Digpaal Jahan te I
Kavi kovid kahi sake kahan te II5II

Tum upkar Sugreevahin keenha I
Ram milaye rajpad deenha II16II

Tumharo mantra Vibheeshan maana I
Lankeshwar Bhaye Sub jag jana II17II

Yug sahastra jojan par Bhanu I
Leelyo tahi madhur phal janu II18II

Prabhu mudrika meli mukh mahee I
Jaladhi langhi gaye achraj nahee II19II

Durgaam kaj jagath ke jete I
Sugam anugraha tumhre tete II20II

Ram dwaare tum rakhvare I
Hoat na agya binu paisare II21II

Sub sukh lahae tumhari sar na I
Tum rakshak kahu ko dar naa II22II

Aapan tej samharo aapai I
Teenhon lok hank te kanpai II23II

Bhoot pisaach Nikat nahin aavai I
Mahavir jab naam sunavae II24II

Nase rog harae sab peera I
Japat nirantar Hanumant beera II25II

Sankat se Hanuman chudavae I
Man Karam Vachan dyan jo lavai II26II

Sab par Ram tapasvee raja I
Tin ke kaj sakal Tum saja II27II

Aur manorath jo koi lavai I
Sohi amit jeevan phal pavai II28II

Charon Yug partap tumhara I
Hai persidh jagat ujiyara II29II

Sadhu Sant ke tum Rakhware I
Asur nikandan Ram dulhare II30II

Ashta-sidhi nav nidhi ke dhata I
As-var deen Janki mata II31II

Ram rasayan tumhare pasa I
Sada raho Raghupati ke dasa II32II

Tumhare bhajan Ram ko pavai I
Janam-janam ke dukh bisraavai II33II

Anth-kaal Raghuvir pur jayee I
Jahan janam Hari-Bakht Kahayee II34II

Aur Devta Chit na dharehi I
Hanumanth se hi sarve sukh karehi II35II

Sankat kate-mite sab peera I
Jo sumirai Hanumat Balbeera II36II

Jai Jai Jai Hanuman Gosahin I
Kripa Karahu Gurudev ki nyahin II37II

Jo sat bar path kare kohi I
Chutehi bandhi maha sukh hohi II38II

Jo yah padhe Hanuman Chalisa I
Hoye siddhi sakhi Gaureesa II39II

Tulsidas sada hari chera I
Keejai Nath Hridaye mein dera II40II

II Doha II

Pavan Tanay Sankat Harana Mangala Murati Roop I
Ram Lakhana Sita Sahita Hriday Basahu Soor Bhoop II